Arquivo da categoria: Informado

Páginas de informação sobre o Esperanto

4ª ERCOR ĵus okazis!

ERKOR-2015

La 4a. Esperanta Renkontiĝo de Centro-Okcidenta Regiono de Brazilo (ERCOR) okazis inter la 3a kaj 5a de Julio,  kun granda sukceso en la lasta semajnfino en la urbo Kampogrando en Sudmatogroso, Brazilo. Ĝi estis ĉefe organizita de la skipo de Kampogrando, estrita de niaj entuziasmaj samideanoj Godoi kaj Maria Garcia. Maria Garcia ĵus aperis en video-notico de Ĵurnalo OLiberdade, kie ŝi tre didaktike diskonigas la belajn motivojn por lerni Esperanton.

Multaj prelegoj kaj muzikoj estis prezentataj dum la evento. Niaj esperantistoj de tiu regiono sin preparas por akcepti la okazontan Brazilan Esperanto-Kongreson, en Januaro de 2017 en la urbo Sorriso (Matogroso, Brazilo).

ERCOR-2015a

En tiu evento, la grandaj batalantoj de nia brazila Esperanto-movado renkontas la novajn aktivulojn, kiuj daŭre antaŭenpuŝas nian laboron favore al la internacia lingvo.

Ankoraŭfoje, nia kara Amarilio, nia preskaŭ 90-jara aktoro, prezentis sian majstran teatran verkon “Tiradentes”.

ERCOR-2015c

Niaj esperantistoj de la estonto ankaŭ ĉeestis kaj elmontris sian amon al Esperanto kaj nia kaŭzo por plia demokratia lingva komunikado tra la mondo. Inter ili, nia plej “juna” movadanino, longdata instruistino de Esperanto, Maria Garcia.

ERCOR-2015b

Alklaku  ĉi tien por vidi multajn aliajn fotojn de la evento.

Dizeloleo el ligno kaj akvo

En la oriento de Aŭstrio, laŭlonge al la limo al Hungario, troviĝas aŭstra liglando kun la nomo Burgenlando. Tiu landeto apartenis ĝis la fino de la aŭstra-hungara monarkia regno al Hungario kaj tie nomiĝis Germana Okcidenta Hungario. Ĉar la homoj tie estas germanparolantoj la lando fariĝis en la jaro 1921 parto de Aŭstrio.

Burgenlando havas klimaton kontinentan kaj tio favoras la ĉerpadon de ventenergio. Tial en la urbo Güssing troviĝas esplorinstituto kiu okupiĝas pri renovigeblaj energioj. Nova esplorprojekto tie kunigas la renovigeblajn energiportantojn vento kaj biomaso. Temas pri la produktado de dizeloleo el ligno kaj akvo. La tiucele necesa elektra kurento estos disponebla el ventenergio.

Legu pli kaj aŭskultu ĉe: ESPERANTA RETRADIO

Revuo Esperanto

Revuo Esperanto Aŭg 2015
Revuo Esperanto Aŭg 2015

La enhavlisto de la aŭgusta kajero:

147 … Malferme: Kongresaj sentoj dum kongresa cento – Humphrey Tonkin
149 … Unua Alineo: UEA turnas sin eksteren kaj ekstereŭropen; AMO pluse prosperas post la jubilea kongreso
150 … Dek Demandoj: Veronika Poór, multfaceta aktivulo, parolas pri sia agado sur diversaj laborkampoj
152 … Esperanto | Utiligado: Pedagogiaj paŝoj al la utiligado de Esperanto – Dennis Keefe
153 … TEJO | Subvencioj: TEJO sukcesas pri subvencioj – Łukasz ŻEBROWSKI
154 … Kalejdoskopo: Notoj pri interesaj eventoj, homoj kaj agadoj
156 … Recenzo: Literatura kritiko – grava kontribuo
157 … Recenzo: Plia lingvo por fonda verko
158 … Recenzo: Impona libreto pri historiaj tegmentaj strukturoj
159 … Recenzo: Dresdena simbolo en bela libro
160 … Recenzo: La mondo konas Bjalistokon danke al Zamenhof
161 … Novelo | Traduko: La novelo “Esperanto” de Amos Oz en E-vesto – Amri Wandel
162 … Kalendaro: Niaj eventoj de septembro al decembro
164 … Video | Konkurso: “Teo kaj Amo” furoris en Ĉinio – Olga Ŝilajeva.
164 … Legantoj | Reago: Vojo malfermita por Esperanto kiel heredaĵo – Etsuo Miyoshi
165 … Forpasoj | Oficiala Informilo: Forpasintaj esperantistoj. Oficiala Informilo
166 … Laste Aperis: La laste aperintaj libroj

 

En la retejo UEA.ORG jam estas elŝutebla la PDF-versio de la aŭgusta numero de la revuo Esperanto.

454ª Elsendo de Pola Retradio

La 27-a fragmento de “Quo Vadis” de Henryk Sienkiewicz en la E-traduko de Lidia Zamenhof konsistigas la literaturan segmenton de la 454-a elsendo ĉe la adreso: www.pola-retradio.org. Nian komencan, informan parton malfermas informo rilatanta al la sekvoj de la dimanĉa referendumo en Greklando. Ni informas krome pri malkreskanta loĝantaro de polaj urboj, aliflanke pri kreskanta nombro de turistoj en Pollando. La sciencbultena temo rilatas al la protekta efiko de la muzikaŭskulto. Muzike akompanas nin hodiaŭ Andrzej Tomecki invitante al promeno tra la varsovia Malnourba Kvartalo. La informoj de la novaĵbulteno kaj de la scienca bulteno estas paralele legeblaj kaj aŭskulteblaj en la rubrikoj Novaĵoj kaj Sciencaj Informoj.

E_elsendo el la 07.07.2015

Truo en la muro

 

Nia hodiaŭa edukada sistemo devenas de la industria revolucio. En la industrilandoj edukado kutime celas al la komuniko de informo de instruisto al grupo de tri- aŭ kvardek infanoj aŭ junuloj ĉar tiutempe je la komenco de la industria epoko ĝi estis la plej efika kaj malmultekosta metodo por rapide krei taŭgajn laboristojn por fabrikoj kaj administrantojn por la kolonioj.

La cifereca revolucio de nia epoko tamen profunde ŝanĝas la tutajn sociajn kaj ekonomiajn perspektivojn. Ĉi tio kondukas al la neceso pripensi la metodojn per kiuj ni preparu gejunulojn por la defioj de la estonteco.

Legu pli kaj aŭskultu ĉe: ESPERANTA RETRADIO