Bezono estas la plej forta ordono

Antaŭ kvar monatoj, revenante el konkluda vizito ĉe kuracisto, mi serioze pripensadis pri mia konduto, dum la lastaj jaroj post emeritiĝo, rilate al manko de zorgado pri mia korpa kondiĉo. Malgraŭ, ke mi klopodadis gimnastiki du foje semajne kaj rezignis kiel eble plej multe pri aŭtomobilveturado favore al piedirado, fakte mi ne zorgis pri taŭga laŭaĝa ekvilibra manĝado.

Unue, mi rememoris pri humura epizodeto el unu el la bildstriaj albumoj de Asterix kaj Obelix (vidu la suprajn bildstriojn), kiu siatempe tre amuzis min. Sed nun mi mem troviĝis en situacio simila al tiu de la gaŭla vilaĝestro: iom-post-iom mi tro dikiĝis, eble ankaŭ pro la fakto, ke nun mi troviĝas plejparte de la…

Legu pli kaj aŭskultu ĉe ESPERANTA RETRADIO

Venki malsanon

Mi volus prezenti al vi hodiaŭ esperigajn novaĵojn, kiujn mi tralegis en mia semajnrevuo.

Post preskaŭ dek jaroj da esploroj en la Grandpolia Centro pri Pulmonologio kaj Torakokirurgio en Poznano oni prezentis unuajn revelaciajn rezultojn de nova terapio pri pulmokancero, nome la novan kuracilon nomatan LUCANIX, kiu estas kvaroble pli efika ol aliaj ĝis nun aplikitaj rimedoj. Oni esperas, ke danke al tio nur en Pollando sian vivon konservos ĉ. ok mil personoj jare, kaj – se ĉio okazos laŭplane – la unua livero de la novregistrita preparaĵo trafos ĝuste al Poznano.

Ĉiujare ĉ. 20 mil poloj ekscias, ke oni malkovris ĉe ili pulmokanceron. Ĝis nun ĉi diagnozo…

Legu pli kaj aŭskultu ĉe ESPERANTA RETRADIO

Eŭropa himno en Esperanto

Ekde ĉiam triboj, etnoj, povoj, nacioj militis inter si, en ĉiuj kontinentoj. En Okcidento – Eŭropo kaj siaj ekskolonioj – oni evidente scias pli pri la eŭropaj militoj – ekde la epoko de la popolmigradoj (au “barbaraj popolmigradoj”) ĝis la dua mondmilito (kaj ankoraŭ poste geografie limigitaj militoj).

Bonŝance kelkaj gravaj eŭropanoj komprenis post la dua mondmilito, ke necesis – pro diversaj kialoj – unuiĝo de la eŭropaj nacioj….

Legu pli kaj aŭskultu ĉe ESPERANTA RETRADIO

Bonoboj preskaŭ parolas

Sciencistoj jam de iom da tempo malkovris, ke simioj de la specio ´bonoboj´ (Pan paniscus), priskribitaj unuafoje en la jaro 1928, estas vivuloj plej similaj al la homoj, laŭ genetika strukturo. Post tiu eltrovo, ili intense kaj insiste esploras la karakterizajn ecojn de tiuj bestoj, cele al pli profunda kono pri la evoluo de specioj kaj eĉ pri la homo.

Antaŭ ne longe oni publikigis unu plian interesan studaĵon pri bonoboj. Ĝin plenumis laborgrupoj svisa (Neuchatel) kaj brita (Birmingham). Temas pri la komunikado inter la simioj. Oni jam antaŭe sciis, ke ili abunde komunikas reciproke per gestoj, krioj, kondutoj kaj mienesprimoj. Nun la biologiistoj sukcesis registri voĉan sistemon de komunikado tre similan al tiu de homaj beboj, antaŭ ol ĉi tiuj komencas paroli….

Legu pli kaj aŭskultu ĉe ESPERANTA RETRADIO

Malkreskas la epidemio de aidoso

La Unuiĝintaj Nacioj komunikas sukceson en la batalo kontraŭ HIV: 15 milionoj da homoj nuntempe ricevas vivosavajn medikamentojn. La ambicia celo estas meti finon al la epidemio ĝis la jaro 2030.

La nombro de novinfektoj kun HIV ekde la jaro 2000 estas forte malkreskinta. Ankoraŭ antaŭ 15 jaroj ĉirkaŭ 3,1 milionoj da homoj nove infektiĝis kun la viruso. En la jaro 2014 estis plu nur ĉirkaŭ 2 milionoj, diras la raporto de la kontraŭaidosa programo (UNAIDS) de UNO…

Legu pli kaj aŭskultu ĉe ESPERANTA RETRADIO