Kial gravas bone kompreni la parolatan Esperanton?

Ĉar, ekzemple, nur tiel oni povas ĝui teatraĵojn!

Antaŭ kelkaj jaroj mi emeritiĝis kaj forlasis, post 50 jaroj, la universitatan mondon. Ĝuste tiam mi verkis tekston por kabareda monologo, kies titolo estis: “Preter l’ trikvarono de l’ vojo – El la universitata RID-punkto”. Temis pri kolekto de kelkaj humuraj, foje spicaj, travivaĵoj pri mia universitata vivo, komence kiel studento kaj asistanto en Italujo kaj poste en Israelo, kiel universitata preleganto.

Mi prezentis la monologon laŭ la stilo de “staranta komediisto” unuafoje en esperanta tutlanda kunveno kaj…

Legu pli kaj aŭskultu ĉe …. Esperanta Retradio

Elsendo de Pola Retradio

 

Clelia Conterno Guglieminetti
Clelia Conterno Guglieminetti

Komence de la 473-a E-elsendo ĉe www.pola-retradio.org nia aktualaĵo aperas sojle de la vizito de la pola prezidento en Germanio. La kulturkronika informo rilatas al la nova sidejo de la Mielkuka Muzeo en Toruń, Pollando. La E-informo sciigas pri la nova originala E-romano de la eldonejo „Edition Iltis”. Temas pri „Ho, tomboj de l’ prapatroj” de Clelia Conterno Guglieminetti, aperanta okaze de la 100a naskiĝdatreveno de la aŭtorino (1915-1984), kiu verkis en la itala kaj en Esperanto. La programon – en kiu muzike akompanas nin fragmente la kanto „Reva danco” de Kapriol’ el ilia KD „Kavaliriko”, eldonita de Vinilkosmo – finas Leterkesto. La tekstoj de la komencaj informoj estas paralele aŭdeblaj kaj legeblaj en la rubriko Novaĵoj.

E_elsendo el la 28.08.2015

La morto de la cerbo

En Pollando ekzistas tiel nomata „implica konsento” preni la korporganojn t.e. greftaĵojn (laŭ la reta PIV). Tio signifas, ke se oni ne subskribos specialan formularon sendante ĝin al la centro pri transplantado, vole ne vole oni fariĝas potenciala donanto. Ĝis nun tian formularon sendis al la centro apenaŭ kelkaj miloj da personoj. Laŭvice esploroj inter greftkuracistoj en Usono elmontris, ke nemultaj el ili volus esti la greftaĵdonantoj. Kial?

Pri la morto de la homo kompreneble verdiktas la kuracisto. Dum jaroj kiel morto oni agnoskis la daŭran ĉeson de spirado kaj sangocirkulado, kvankam oni scias, ke la morto mem venas 20-40 minutojn poste. Tamen la hodiaŭa mortdifino estis ŝanĝita antaŭ nelonge, en 1968. La difino tekstas, ke…

Legu pli kaj aŭskultu ĉe …. Esperanta Retradio

 

Salejo de Uyuni

Ĉu vi jam aŭdis pri la Salejo de Uyuni? Mi “elkovris” ĝin, kiam mi legis – por artikolo mia – pri sensaligo.

Marakvo estas saleca; akvo de lagoj ĝenerale ne estas saleca, ĉu ne?

Tamen ekzistas multaj salecaj lagoj en la mondo.

Dum marakvo enhavas ĉirkaŭ 3 ĝis 4 procentoj da salo, la lago kun la plej granda procentaĵo ekster la Antarktiko (Lago Asal en orienta Afriko) enhavas 34%, kaj la plej konataj el tiaj lagoj – la Morta Maro en Israelo kaj la Granda Saleca Lago en Usono – havas inter 33 kaj 23 procentoj da salo.

Legu pli kaj aŭskultu ĉe …. Esperanta Retradio

472ª Elsendo de Pola Retradio

PhotoFunia-1440602536
Neide Barros – Brazila Kantistino

En mallongaj informoj komence de la 472-a E-elsendo ĉe www.pola-retradio.org ni referencas la 25-an de aŭgusto 2015 al la semajnfinaj vizitoj de la pola prezidento en Tallino kaj de la rusa ĉefministro sur unu el la insuloj de la Kurila Arkipelago, kie li deklaris formalan vastiĝon de la rusa teritorio. Informo el Pollando rilatas al la feria (sed ne nur) bicikla vizitado de la vitejoj en la suda Pollando. La sciencbultena temo traktas novajn malkovrojn pri goriloj. Reference al la 100-a UK en Lillo Milada Szwedo prezentas sian interparolon kun Tali Wandel pri ŝia kontribuo al la temo eŭritmio kadre de la Kleriga Lundo. En la marda E-programo muzike akompanas nin Neide Barros Reĝo prezentante la kanton Blanka Luno el la KD „Revo de Amo”. Tekstoj de aktualaĵoj, scienca temo estas paralele legeblaj kaj aŭsulteblaj ĉe nia paĝo. En la rubriko Antaŭ nia mikrofono aŭdiĝas interparolo el nia programo kun Tali Wandel.

E_elsendo el la 25.08.2015