Religioj en Braziljo (3)

Eble estus pli normale paroli pri religioj en Brazilo, sed mi komencis la 5-an de decembro paroli pri religioj en Braziljo, ĉar en la brazila ĉefurbo – aŭ pli ekzakte en la tiel nomata Federacia Distrikto – estas aparte granda la nombro de spiritaj movadoj.

Mi menciis la religian sinkretismon ekzistantan en ĉi-tiu lando. Kiu estas sinkretismo? PIV eksplikas: …

(Legu pli ĉe Esperanta Retradio)

Religioj en Braziljo (2)

Post la pasintsemajna enkonduko mi parolos nun iomete pri religioj kaj aliaj spiritaj movadoj en Braziljo.

Tamen antaŭe menciindas la fakto, ke la nombro de homoj en ĉi-tiu urbo kiuj deklaris sin senreligiaj pligrandiĝis de 4,8% en 2011 ĝis 7,9% en 2016. Malgraŭ tiu kresko la senreligiuloj estas preskaŭ la duono de la brazila averaĝo.

La katolikoj ne estas nur la …

(Legu pli ĉe Esperanta Retradio)

Religioj en Braziljo (1)

Kiam mi volis skribi pri “Religioj en Braziljo”, mi rigardis unue la vikipediajn artikolojn pri “Religioj en Brazilo” kaj “Religioj en Germanio”. Tiu lasta artikolo ege surprizis min: en ĝi troviĝas listo kun pli ol cent (!) religioj, sektoj kaj aliaj spiritaj movadoj. Preskaŭ dudek el ili havas nur malpli ol mil membrojn. La katolika eklezio estas je la unua loko, kun 28,5% de la loĝantaro, la evangelia (al kiu apartenas ĉirkaŭ 20 diversaj protestantaj eklezioj) je la dua, kun 26,5%. La trian lokon okupas la sunaistoj (3,2%) – pro tio, ke vivas multaj enmigrintoj en Germanio. Sed la plejmultaj enloĝantoj en tiu lando deklaris sin senreligiaj (ĉirkaŭ 35%).

Male Brazilo estas …

(Legu pli ĉe Esperanta Retradio)

La historio de la fondo de Braziljo

Multaj homoj scias, ke Braziljo, la ĉefurbo de Brazilo, estas ne nur relative nova urbo, sed ankaŭ planita urbo, kio signifas, ke ĝi ne naskiĝis kaj kreskis nature, sed estis kreita specife por esti ĉefurbo.

Ekzistas aliaj tiaj ĉefurboj en la mondo. Mi serĉis en la interreto, sed ne trovis kompletan liston. En germana retpaĝo (http://www.momondo.at/inspiration/gebaut-um-zu-begeistern-6-der-beeindruckendsten-hauptstadte-der-welt/#giuBxGArAiYF5owX.97) la titolo estas…

(Legu pli ĉe Esperanta Retradio)

Spirita Majstrino de Oomoto el Japanio vizitas la Templon de Bona Volo

Braziljo, Brazilo — S-ino Kurenai Deguĉi, spirita majstrino de Oomoto, el Japanio, vizitis kune kun sia sekvantaro la Templon de Bona Volo (TBV) , la Templon de la Dia Ekumenismo. Enaildo Viana, ministro de la Templo de Paco, prezentis la lokon al la vizitantoj, akompane de la multjara amiko de Legio de Bona Volo (LBV) kaj prezidanto de Oomoto Internacia, s-ro Shigeki Maeda.

Mirigita pro tio, ke ŝi revenis al la loko, de post kvar jaroj, s-ino Kurenai pilgrimis tra ĉiuj medioj. Ĉe la Sankta Fonto, ŝi kaptis la okazon por mediti kaj ankaŭ substrekis ke ŝi estas “tre kontenta kaj tre feliĉa reveni al TBV”.

Omaĝe al ŝi, la Soldadetoj de Dio, de LBV — kiel ameme estas nomataj la infanoj de la Institucio —, donacis al s-ino Deguĉi orkideon kaj faldfolion pri TBV, en la japana, kaj ankaŭ ekzempleron de la revuo Bona Volo Ekumenismo, memorigan eldonon lanĉitan dum la 25a Jubileo de la fonddatreveno de la Templo de Bona Volo, okazinta la 8an de novembro 2014.

Dum intervjuo al Superreto Bona Volo de Komunikado (Radio, TV, interreto kaj publikigaĵoĵ), s-ino Kurenai sendis sian mesaĝon al la direktoro-prezidanto de LBV kaj fondinto de la Templo de la Dia Ekumenismo: “Mi volus sendi brakumon alPaiva Netto kaj elkore danki lin”. La spirita majstrino de Oomoto el Japanio lasis memoraĵon por la gvidanto de LBV kaj substrekis ke ŝi revenos tre feliĉa al sia lando.

Vizitu ankaŭ vi la Templon de Bona Volo, unu el la Sep Mirindaĵoj de Brazilja, situanta ĉe SGAS 915, parceloj 75/76 — Brazilja, ĉefurbo de Brazilo. Por pliaj informoj, telefonu: (+5561) 3114-1070 aŭ skribu al esperanto@bonavolo.com.

Fonte: Templo da Boa Vontade