Neperfektaj Rimoj

NEPERFEKTAJ RIMOJ

El la blogo de Paŭlo Sergio Viana

La pacienca leganto bonvolu voĉlegi ĉi tiujn versojn:

´Ne mi aŭtoras pri mia poemo

sed ĝi sin verkas kaj sin pensas mem,

kiel polp´ malrapide sin etendas

sur la profunda oceaninterno,

abismo, de marfloroj la loĝejo.

Kaj mem per memorplumo ĝi sin verkas,

per plumo ama kaj per plum´ turmenta,

per ĉio, kion donas memorsento:

vizaĝo, kaj pejzaĝo, kaj intensa

pulsado de la lumo en  mateno.´

Ili estas la du unuaj strofoj de ´La Poemo´ , kiu malfermas la volumon ´Tiu muziko´ , de Ivan Junqueira, eldonejo Rocco, 2014. Granda poeto, kiu meritas longajn konsiderojn, multe super tio, kion mi pretendas. Miaflanke, mi koncentriĝas je liaj rimoj. Je liaj majestaj neperfektaj rimoj. Se la leganto konsentis voĉlegi, tiam li jam perceptis tion, kion mi diros.  Continuar lendo Neperfektaj Rimoj

Vundita Vojo

VUNDITA VOJO

(Paulo Nascentes)

Humana mistere
kruda hume
roza kerne
sidas la perfumo
de l’ mirego
de fetora birdo
farbetrafita
glaci-angule
de l’ vundita flugo

Mia vundita vojo
nokte ŝanĝiĝas
ironie fumdisiĝas
en rideto monaliza

Rezistas mistero
kaj lumo,
persistemo de fulmo.

Legu ankaŭ en la portugala ĉe Blogo de Paulo Nascentes

Elsendo de Pola-RetRadio

(Henryk Sienkiewicz)

En la 424-a E-elsendo ĉe www.pola-retradio.org ni denove proponas literaturan segmenton kaj en ĝi laŭvican fragmenton de la romano “Quo Vadis” de Henryk Sienkiewicz en la E-traduko de Lidia Zamenhof. En ampleksa informa parto eĥas mallonge lastaj eventoj sur la internacia areno (Britio rilate la islamistan minacon, Obama pri la eldiro de Netanjahu, Korea-ĉina-japana renkontiĝo en Seulo). Sekve, ni informas pri defendopreteco de poloj, ilia malfavoro rilate enkondukon de la unia valuto kaj pri kresko de geedziĝoj en Pollando. Nia temo el la gazetaro samtempe rilatas al la sciencistaj esploroj pri la vora efiko de fremdaj specioj enkondukataj en novajn ekosistemojn infomante pri ĉi-rilataj leĝaj solvoj en Eŭropo. Tiun temon eblas samteme legi kaj aŭskulti en la rubriko Sciencaj Informoj. La informoj el la lando estas same paralele legeblaj kaj aŭskulteblaj en la rubriko Novaĵoj. En la hodiaŭa elsendo ni memorigas la kanton de Jacques Yvart “Geamantoj sur la verda benk’”el lia unua KD eldonita de Vinilkosmo.

Publikigita la Almanako Lorenz 2015

Publikigita la Almanako Lorenz 2015

Publikigita la Almanako Lorenz 2015.

Dum la 50-a Brazila Kongreso de Esperanto, estis lanĉita la Almanako Lorenz 2015. Sur la kovrilo elstaras la artikolo titolita Historiaj kuriozaĵoj pri la urbo Rio-de-Ĵanejro, elpensita de Álvaro Motta.  Internacie konataj aŭtoroj, kiel Renato Corsetti, Trevor Steele kaj José Passini, ankaŭ kontribuis pere de plurtemaj tekstoj.  Almanako Lorenz 2015 estis publikigita de Eldonejo Lorenz.