Arquivo da tag: Pola Retradio

Elsendo de Pola Retradio

Kavaliroj ĉe Malborka Kastelo

Kun nia finna aŭskultanto Jorma Ahomäki ni interparolas pri kelkaj libroj de la eldonejo Kava-Pech, kiuj apartenas al liaj ŝatataj legaĵoj. Ni memorigas ĉe-okaze du slovakajn popolajn kantojn el la eldonita de Kava-Pech KD Kantoj de l’ Popolo – “Helruĝan pomon” kaj “Ho, acer’”. Komence de la 436 E-elsendo ĉe www.pola-retradio.org en novaĵoj ni informas pri la sepultaj solenaĵoj de Władysław Bartoszewski, pri du nunjaraj jubileoj en la pola Tatry-montaro, pri subakva hotelo kreiĝonta en la nordo de Pollando kaj sukceso de poloj en la kavalira turniro en Malbork. Temo el la pola gazetaro estas dediĉita al esploroj pri la elmigrado de junaj poloj. En scienca bulteno ni informas pri interesa eksperimento pri tio, ke kromdormo povas pozitive influi la memoron. La informoj de novaĵbulteno kaj de la scienca bulteno estas paralele legeblaj kaj aŭskulteblaj en la rubrikoj Novaĵoj kaj Sciencaj Informoj. Ankaŭ la interparolo kun nia antaŭmikrofona gasto aŭdiĝas aparte en la rubriko “Antaŭ la mikrofono”.

Informis: Barbara Pietrzak

Elsendo de Pola Retradio (435-a)

“Angelli” – Igor Mitoraj

Jan Danysz estas la heroo de nia felietono pri koninda polo. Komence de la 435a E-elsendo ĉe www.pola-retradio.org aŭdiĝas kulturkroniko, en kiu ni informas pri impona ekspozicio de skulptaĵoj de Igor Mitoraj en Pietrasanta, Italio, pri ekspozicio de hispanaj desegnistoj en Krakovo kaj pri inaŭgurota venontmonate Silezia Muzeo en Katowice. Nia E-komuna informo rilatas al la kultura evento Mazara 2015. Fine de la elsendo aŭdiĝas Leterkesto. Muzike akompanas nin la grupo Kaj Tiel Plu per fragmento de la kanto „La Violonisto” el la KD „Surplacen venu vi” eldonita de Vinilkosmo. Kulturkronikaj informoj kaj  la felietono estas samtempe legeblaj kaj aŭskulteblaj en la rubrikoj Novaĵoj kaj Felietonoj.

Informis: Barbara Pietrzak

Elsendo de Pola Retradio (434a)

Centra Oficejo de UEA en Roterdamo, Nederlando.

Reference al la 42a Malferma Tago en Roterdamo ni prezentas sonscenon pri la Libroservaj Novaĵoj, kiujn prezentis dum ĝi Ionel Onet. Ĉe www.pola-retradio.org en la komenco de la 434a E-elsendo el Varsovio ni referencas al la tragika tertremo en Nepalo kaj pola helpo al la damaĝitoj, ni informas pri la morto de Władysław Bartoszewski, i.a. distingita per Medalo de Toleremo fare de Zamenhof-Fondumo. Kroma informo rilatas al la finiĝonta morgaŭ omeĝekspozicio honore al 96 viktimoj de la aviadila katastrofo apud Smolensk antaŭ 5 jaroj. La temo el la pola gazetaro rilatas al dulingvaj lernejoj en la loko Kielce. En scienca bulteno ni konigas esplorojn pri la evoluiga rolo de laŭta tekstolegado al infanoj kaj pri la efiko de la basaj sonoj por estingi incendion. Muzike akompanas nin Amindaj per fragmento de sia kanto “Lasu la malĝojon flugi” el ilia KD eldonita en 2011 fare de Vinilkosmo. La informoj de la novaĵeldono kaj scienca bulteno estas paralele legeblaj kaj aŭskulteblaj en la rubrikoj Novaĵoj kaj Sciencaj Informoj. La sonsceno pri Libroservaj Aktualaĵoj estas aparte aŭskultebla en la rubriko “Antaŭ la mikrofono”.

Informis: Barbara Pietrzak

Elsendoj de Radio Vatikana

 

2015-04-19, dim
Komentario: Luko 24:35-48 … Elkora alvoko al la internacia komunumo post plua amasmortigo de enmigrantoj pro shiprompo; la atesto de la apostoloj kaj de kristanoj hodiau; pri la montro de la Sankta Tuko en Torino … Audienco kun la prezidanto de la itala respubliko, Sergio Mattarella; la mondo devas havigi al si efikajn leghojn kontrau tiuj kiuj faras gravegajn krimojn kaj novajn formojn de sklaveco; povus esti ke papo Francisko vizitos Kubon dum sia vizito al Usono; vizito al la roma kolegio Janiculum honore al frato Junipero Serra (1713 -1784); nova tvitera mesagho … UN: konferenco pri la persekuto de la kristanoj je la globala nivelo.

2015-04-16, jhau
Obeemo: Kiu ne kapablas dialogi, tiu ne obeas Dion (kp. Agoj 5:27-33); papo Benedikto atingis 88 jarojn … La papo akceptis audience la episkopojn de Kenjo, kaj delegacion de la…

Legu pli ĉe… Esperanto-Movado: Elsendoj de Radio Vatikana

Elsendo de Pola Retradio

La antaŭmikrofona gasto de la 430-a E-elsendo ĉe www.pola-retradio.org estas Claude Nourmont, havanta en la Lilla LKK multajn respondecojn, i.a. pri teatraj spektakloj. Pri ili, pri iuj planoj ligitaj kun prelegoj rilataj al Francio kaj ekspozicioj ni interparolas en la hodiaŭa renkontiĝo. Nia aktualaĵo el Pollando rilatas al kritikaj voĉoj pri la lastaj (2014) komunumaj balotoj antaŭdate de la nunjaraj prezidentaj kaj parlamentaj. En scienca bulteno ni donas la atenton al la kampanjo de WWF koncerne endanĝerigitajn baltikajn mamulojn el la ordo de cetacoj. Krome ni parolas pri esploroj rilataj al la kvanto de plasto en oceanoj. Muzike akompanas nin Ĵak Le Puil kantante pri “Maro kaj Klifo”. La kanzono devenas el lia lasta KD eldonita de Vinilkosmo “Sen elizi’”. Novaĵo, sciencaj informoj estas paralele legeblaj kaj aŭskulteblaj en la unuopaj rubrikoj de nia paĝo. Ankaŭ la interparolo kun Claude Nourmont pri la unuavice teatra oferto de la 100a UK estas aŭdebla aparte en la rubriko “Antaŭ la mikrofono”.