Pola Retradio: elsendo 2016-03-22

Bruselo

Pola Retradio: elsendo 2016-03-22

– En la literatura segmento de la programo ni prezentas la 38-an fragmenton de la romano “Quo Vadis” de Henryk Sienkiewicz en la E-traduko de Lidia Zamenhof.

– La ĉefinformo de nia novaĵbulteno rilatas al la hodiaŭaj teroristaj atencoj en Bruselo; ni informas krome pri la historia vizito de Barack Obama en Kubo kaj pri la prilaborata en Pollando leĝo kontraŭ la malŝparado de nutraĵoj, kiuj povas servi ankoraŭ al homoj mizeraj kaj bezonantaj.

– La sciencbultenaj temoj traktas pri novaj megalitoj retrovitaj en Pollando kaj pri impona akvario en la Gdanska Politekniko servonta ankaŭ por sciencaj esploroj.
La aktualaĵoj kaj sciencbultenaj temoj estas  paralele legeblaj kaj aŭskulteblaj en la rubrikoj „Novaĵoj” kaj „Sciencaj informoj”.

Pola Retradio: elsendo 2016-03-15

La 532-a E-elsendo ĉe www.pola-retradio.org el la 15.03.2016:

– Hodiaŭ ni proponas komune enrigardi kelkajn E-gazetojn, kiuj lastatempe atingis la Redakcion aŭ pri kies apero ni eksciis elektronike: La Revuo Orienta – 2/2016; Kontakto – 1/2016; Israela Esperantisto – vintro 2015; la lasta numero 2015 de “Tempo”; la 143-a numero de “Sennacieca Revuo”; “Balkana Verda Stelo” numeroj 0-2015, 1-2015, la 1-a numero de 2016; la januara numero 2016 de “Le monde de l’espéranto”; 1/2016 “Esperantolehti” kaj 1/2016 “Norvega Esperantisto”.
– Novaĵbultene ni informas pri optimismaj prognozoj de Banko Morgan Stanley koncerne ekonomian kreskon de Pollando kaj pri bona rezulto de la pola eksporto rilate importon, kiu en januaro 2016 falis al pli ol 3 miliardoj da eŭroj. En la pola gazetaro ni elektis temon el Rzeczpospolita pri tio, ke Pollando ne estas preparita je amasa alveno de enmigrantoj;
– La sciencbultena temo traktas la temon de obezeco, kiu ne sole damaĝas la sanon, sed ankaŭ negative influas la cerbofunkciadon. Krome ni informas pri la aprobita en Britio programo pri la genmodifado de homaj embrioj.
Muzike akompanas nin Jonny M. Ĉi-foje ni elektis fragmente lian kanzonon “Bona homo” el la KD “Regestilo” eldonita de Vinilkosmo.
La aktualaĵoj kaj sciencbultenaj temoj estas paralele legeblaj kaj aŭskulteblaj en la rubrikoj „Novaĵoj” kaj „Sciencaj informoj”. Aparte estas ankaŭ aŭskultebla trarigardo de la E-gazetaro en la rubriko “Felietonoj”

Pola Retradio: elsendo 2016-03-08

La 530-a E-elsendo ĉe www.pola-retradio.org el la 08.03.2016:

– En interparolo kun Maciej Jaskot ni donas la atenton al la nunjara eldono de la konkurso pri la hispana lingvo celita al mezlernejanoj, la t.n. Hispana Olimpiko.
– La hodiaŭa novaĵbulteno enhavas informojn pri la lastlunda pintrenkonto en Bruselo, kies celo estis solvi la enmigradproblemon en Eŭropo; pri la decido limiganta por kelkaj jaroj grundspezojn en Pollando, pri la Eŭropa Tago de Justuloj (06.03), pri la komenciĝinta 5-a sezono de la bicikla lusistemo en Varsovio “Veturilo”.
– La sciencbultena temo rilatas al la envivigita programo en la Varsovia Universitato, savonta la vilamovican lingvon.
“La Cikadan Lambadon” de Gilbert Drigon kaj Loreznzo Tomezzoli en la plenumo de Mélanie Prin ni dediĉas al ĉiuj aŭskultantinoj lige kun kun la pasanta Internacia Virina Tago (https://www.youtube.com/watch?v=3MOVkrLt-gk).
La aktualaĵoj kaj sciencbultena temo estas paralele legeblaj kaj aŭskulteblaj en la rubrikoj „Novaĵoj” kaj „Sciencaj informoj”. Aparte estas ankaŭ aŭskultebla interparolo kun nia antaŭmikrofona gasto en la rubriko “Antaŭ la mikrofono”.

Pola Retradio: Elsendo 2016-03-04

La 529-a E-elsendo ĉe www.pola-retradio.org el la 04.03.2016

– Ĉi-semajne nia felietono pri koninda Pollando prezentas la Nacian Parkon de la masivo Karkonosze en la montoĉeno Sudetoj (la sud-okcidenta Pollando);

– Komence ni notas CBOS-opinisondan rezulton pri granda socia subteno por la programo de la pola registaro;

– La riĉa kulturkronika kroniko informas pri la morto de Karl Dedecius, pri riĉa programo de la Nacia Muzeo en Kielce lige kun Sienkiewicz-Jaro kaj fine pri mistera tunelo retrovita sub la arsenalo en Krakovo;

– La movadaj informoj sciigas pri elekto de nova redaktoro de la revuo „Esperanto” – Attila Kaszás kaj pri la intenco de UEA aĉeti en Roterdamo por-Volontulan Domon.

– Muzike akompanas nin la grupo „Kore” per sia kanto „La sonĝoj”, kiu devenas el la disko „Kia viv’” eldonita de Vinilkosmo.

La komencaj aktualaĵoj, la kulturktronikaj informoj estas  paralele legeblaj kaj aŭskulteblaj en la rubrikoj „Novaĵoj” kaj „Kulturkroniko”. En la rubriko „Felietonoj” estas samtempe legebla kaj aŭskultebla la felietono.

451ª E-Elsendo de Pola Retradio

Jan Potocki

Jan Potocki, la heroo de nia felietono pri koninda polo troviĝas inter polaj figuroj sur la nunjara listo de datrevenoj aŭspiciataj de Unesko, lige kun lia 200-a mortodatrevno. En nia 451-a E-elsendo ĉe www.pola-retradio.org ni komence referencas al la politika situacio en la mondo kaj teroristaj atakoj en Francio, Tunezio kaj Kuvajto, al la decido disloki 60 mil enmigrantojn en ĉiuj landoj de la EU. En la kultura parto krom la felietono aŭdiĝas ankaŭ informo pri omaĝo al pola nacia heroo, Tadeusz Kościuszko en la finna Turku. Per E-informoj ni adiaŭas meritiĝintan litovan esperantiston Antanas Mekys kaj informas pri la 31-a eldono de Arkones okazonta en septembro en Poznano. La programon finas leterkesta programero. Felietono kaj la kultur­kronika informo estas samteme legeblaj kaj aŭskult­eblaj en la rubrikoj Novaĵoj kaj Felietonoj.

Informis: Barbara Pietrzak