457ª Elsendo de Pola Retradio

Lillo2015

8 el 16 ravaj lokoj kandidatiĝantaj por la titolo Nova Mirloko de Pollando ni prezentas en la 457-a E-elsendo ĉe www.pola-retradio.org. Nia kulturkronika informo rilatas al la funkcianta dum la tuta feria periodo eduka programo celita al infanoj en la Muzeo de Pola Elmigrintaro en Gdynia (la norda Pollando). La E-informoj koncernas la nunjaran eldonon de Internacia Kongresa Universitato kaj kandidatojn por la posteno de nova Ĝenerala Direktoro de UEA. La antaŭkongresa Leterkesto enhavas kelkajn gravajn informojn por ĉiuj niaj aŭskultantoj, kiuj partoprenos la Universalan Kongreson de Esperanto en Lillo kaj ŝatos renkontiĝi kun reprezentantoj de nia Redakcio dum la Movada Foiro kaj Renkontiĝo de la Aŭskultantoj de la E-Radiofonio. En la kongresan etoson enkondukas nin kanto de Ramona van Dalsem. Ni notas krome, ke la prezentita pasintsemajne en nia programo “Papilia Tango” kantata de Mélanie Prin estas jam spektebla kun kanzonvortoj en YouTube: https://www.youtube.com/watch?v=TmnYuly7eHw. Ekzistas ankaŭ la alia videaĵo de la sama tango prilaborita de hispana esperantisto ĉe https://www.youtube.com/watch?v=uhoXIvt34t4. Informoj pri kandidatoj por la titolo nova Mirloko de Pollando kaj la kultur­kronika informo estas paralele legeblaj kaj aŭskult­eblaj en la rubrikoj Novaĵoj kaj Felietonoj.

“Espresso”-kafo naskiĝis en Torino

Itala kafotrinkaĵo famiĝinta en la tuta mondo

Antaŭ 40 jaroj mi, tiam 31-jara, transloĝiĝis el Torino, ĉefurbo de la regiono Piemonto en nordokcidenta Italujo, al Beer-Ŝeva, la ĉefurbo de la suda dezerto de Israelo.

Vere temis pri kultura ŝoko por la tuta familio. Kvankam povus ŝajni triviala kaj tute ne grava afero, mi vere suferis de la manko de la itala espresso-kafo, al kiu mi kutimiĝis ekde mia infaneco. Kafo en mezorienta lando estis kompreneble ege kutima trinkaĵo: krom la dominanta ĉieestanta solvebla kafo, estis turka kafo, amerika kafo, filtrila kafo kaj tiel plu. Sed bedaŭrinde, por mi, ili ĉiuj estis kaj restas neelteneblaj nigraj buljonakvoj.

Familie ni elturniĝis per uzado de itala kafopulvo kaj de la tradicia itala espreskruĉo (itale…

Legu pli kaj aŭskultu ĉe: ESPERANTA RETRADIO

ILEI Konferenco ĵus komenciĝis en Ostendo

Oostendo, Belgio

Mi informas vin, ke la 48a Konferenco de ILEI estis sukcese inaŭgurita antaŭ horeto en Ostendo, Belgio. La festosalono de la urbodomo estis plena, kaj aŭdis bonvenigan saluton de la urbestro. La konferenco havas 159 aliĝojn, do la plej granda en 28 jaroj, kaj inter la kvar plej grandaj ILEI-konferencoj entute. La partoprenantoj venas en ĉiuj kontinentoj, el entute 34 landoj, rekordo por ILEI. Bonega komenco por la UK en Lillo post semajno. ILEI kreos raportojn pri tio, same la EKO-komunikoj portos al vi pli kompletajn kaj espereble ilustritajn komunikojn. Posttagmeze, la konferenco turnos sin al la publiko, kiu en belga apudmara urbo estas granda kaj multnacia; okazos prezento de konferencanoj multkultura en la urba ĉefplaco. Denove, en mardo, tradicia Lingvo Festivalo prezentos nian lingvan bunton al la publiko, kadre de programoj de la bela nacia festotago. Ĵaŭde kaj vendrede okazos altnivela seminario pri la konferenca temo – ‘Post grandaj militoj la granda paco’ – kun movadaj kaj ekstermovadaj prelegoj.

Pliaj informoj sekvos.

Stefan MacGill
Vicprezidanto de UEA
Komisiito de ILEI pri la retkurso ‘Esperanto Etape’.

Esperanto, ĉu lingvo okcidenta?

UEA-libro

La plej novaj varoj ricevitaj de la Libroservo de UEA


Kontribuo de la rusa lingvo al la formiĝo kaj evoluo de Esperanto / Kontribuaĵo al la studo pri la influoj de la jida sur Esperanton / Esperanto – ĉu lingvo okcidenta? Boris Kolker / Claude Piron, Lingvistiko, MAS, 2015. Tri klerigaj eseoj. Prezo: 6.00 EUR. Pliaj informoj, reta mendilo: http://katalogo.uea.org?inf=9192

=== > Ankaŭ mendebla ĉe BEL@Butiko